Z Dešna/Dissen. Za tym, až su 8. měrca mógli swóju nowo wugótowanu wustajeńcu hyšći wótwóriś, jo Domowniski muzej Dešno wót srjejźi měrca dla pandemije nachylu zacynjony był. Dobra powěsć něnto jo: Wót slědnego stwórtka jo muzej swóje wrota zasej za woglědarjow wótwórił. Jadnotliwe gósći směju teke bźez pśizjawjenja pśiś, ale gaž sćo kupka, buźo to problematiski, pón musyśo swój woglěd dokradnjej z nimi pśepowědaś telefoniski pód 03 56 06 / 256.

Až do 3. maja płaśe slědujuce wótwórjeńske case: Wałtoru, srjodu a stwórtk pśecej wót zeger 10:00 do zeger 15:00.

Pšose na źěłanje butry – pśizjawjenje jo notne

Něga su burske žeńske sami ze zmjatany mloka butru źěłali a su ju na wikach w měsće pśedawali. Chtož co butrowanje sam wuproběrowaś, ma k tomu tu góźbu kuždy stwórtk wót zeger 09:00 do zeger 14:00 a dostanjo pśi tom tek zajmne informacije k rolnikaŕstwoju něgajšnego casa. Sam źěłana fryšna butra móžo se pón na skibje fryšnego klěba kóštowaś.