ŹO, GA, CO? ZAPISK TERMINOW
Nižej nalicone terminy stoje teke w śišćanej wersiji Nowego Casnika wótśišćane.
Jolic měniśo, až znajośo wažny abo zajmny termin, kótaryž serbsku zjawnosć zajmujo,
a cośo jen našym cytarjam k wěsći daś, ga pósćelśo jen nam z e-mailom abo faksom
(glej menij „Redakcija“).
stwórtk, 12. nowembra, zeger 18:30
Chóśebuz/Cottbus
Chóśebuski domowniski kalendaŕ
Domowniski kalendaŕ Města ma lětosa 40. jubilej, wón ga njewopśestawajucy wujźo z lěta 1987. Wudaśe za lěto 2027 pśedstajijo se stwórtk, 12. nowembra, zeger 18:30 w knigłaŕni Hugendubel, a wót 13. nowembra jo wón na pśedań.
Serbska gódowna źěłaŕnicka
Sobotu, 14. nowembra, wót zeger 10:00 do 16:00 sćo pšosone na serbsku gódownu źěłaŕnicku do lodki „Bioladen Schömmel“. Zeger 10:00 naceju kołac a dajo gódowne chłošćonki. Mimo togo wupyšniju gódowne kule z wóskom a serbskimi mustrami jatšownych jajow. To móžośo sami wuproběrowaś abo južo wupyšnjone kule kupiś.
Rejowański dom Łužyca
Na baltiske reje sćo pšosone pónjeźele, 16. nowembra, zeger 19:00, do Rejowańskego doma Łužyca w „mittendrin“. Tam buźo rejowańska mejstaŕka Zanda Liepiņa ze swójeju folklornu band „Rīta rasa“.
Koncert chóśebuskeje muzikoweje nazymy
Srjodu, 18. nowembra, zeger 19:00, sćo pšosony na zakóńceński koncert 52. chóśebuskeje muzikoweje nazymy. Armonia kwartet Chóśebuz a solisty zagraju w koncertowem zalu BTU (Lipecka droga 47), na campusu Knorawa. Pśedstajiju tam mjazy drugim kompozicije serbskich komponistow, kaž Ulrich Pogoda, Detlef Kobjela, Jan Cyž, Jan Pawoł Nagel a organizatora koncertowego rěda Bernd Weinreich.
Rucne źěło na serbski
Stwórtk, 19. nowembra, zeger 17:00 wótmějo se w klubowni Serbskego doma pśiduca moderna pśěza ze serbskimi rozgronami a serbskim spiwanim. Mejlka za kontakt: .
Źiwadłowy kus
„Im Bann der Mittagsfrau“
W dwójorěcnem źiwadłowem graśu „Im Bann der Mittagsfrau/W mócach pśezpołdnice“ se wrośijo Mina pó smjerśi starkeje do łužyskeje domownje a se rozestajijo ze swójimi serbskimi kórjenjami. Kus ze swójogo pjera pśedstajijo grajaŕka Stefanie Maznikowa pětk, 20. nowembra, zeger 15:30, w sociokulturnem centrumje Chóśebuz.
Dešno/Dissen
Pśednosk
Towaristwo Pśirodowědny centrum „Spreeaue e.V.“ pšosy pětk, 13. nowembra, zeger 20:00, do Bósónowego doma na Sprjewine ługu. Ingolf Arnold buźo referěrowaś wó „10 lětach Spěchowańskego towaristwa Cottbuser Ostsee e.V.“.
Wupyšnjenje gódownych kulow
Domowniski muzej Dešno pšosy na slědujucej termina k wupyšnjenju gódownych kulow z wóskom a serbskimi mustrami za dorosćonych: srjodu, 18. nowembra a srjodu, 25. nowembra, pśecej zeger 19:00.
Adwentne spiwanje a nowa wustajeńca
Njeźelu, 29. nowembra, zeger 15:00, sćo pšosone na adwentne spiwanje z chorom Łužyca w dešańskej cerkwi a na wótwórjenje noweje wustajeńce Domowniskego muzeja Dešno pód titlom „Domowe duchy – Hausgeister“.
Slěpe/Schleife
Muzikaliske nazymske wótpołdnjo z „Floppy Dolls“
„Floppy Dolls“ su ducy w srjejźnej Łužycy. Sobotu, 21. nowembra, zeger 17:00, wugótuju w Serbskem kulturnem centrumje Slěpe njezabytne muzikaliske nazymske wótpołdnjo. Nimsko-Serbske ludowe źiwadło Was wutšobnje pśepšosyjo.
Lubnjow/Lübbenau
Filmowa premjera
„Der letzte Kahnbaumeister“
Dokumentacija z Barlinja póchadajucego fotografa Andreas Kruf-czik „Der letzte Kahnbaumeister“ swěśi njeźelu, 22. nowembra, zeger 16:00, swóju premjeru w groźe Lubnjow. Zastup płaśi inkluziwnje regionalnego snacka 15 euro a kórtki dostanjośo online pód www.luebbenau-spreewald.com.
Balet „Za Mariju – wesrjejź nocy“
Balet „Za Mariju – Wesrjejź nocy“, kótaryž jo měł 2020 prapremjeru, móžośo zasej dožywiś pónjeźele, 16. nowembra, w Komornem jawišću Chóśebuz, zeger 19:00. Wuchadajucy wót listow woborańskeje wójowaŕki Marje Grólmusec (* 24. apryla 1896 w Lipsku; † 6. awgusta 1944 w Ravensbrücku) pšaša choreografija za tym, kak móžotej cłowjeskosć a nutśikowna lichota samo pód wuměnjenjami pśeslědowanja a kz-popajźeństwa pśetraś.
Kórty w pśedpśedani dostanjośo pśi woglědaŕskem serwisu Statnego źiwadła Chóśebuz, zbytne kórty budu k dostaśu pśi wjacornej kasy.
Z baletom „Za Mariju“ planujo SLA pśiduce lěto tek prědny raz, serbsku produkciju w Lipsku pokazaś. We tom měsće ga jo se serbska publicistka a socialistiska wopěraŕka pśeśiwo ns-režimoju naroźiła. Tak dej se pśi jeje rodnem domje teke pódštapnik połožyś.
Bramborske serbske radijo rbb
stwórtk, 12.11.
Serbski magacin k połdnju:
– Tematiske wusćełanje:
Rozluštowanja hyšći ku 11.11. Wutšobicka, smjej se!
– Muzikowe žycenje
pśisłucharjow
– Muzika tyźenja:
Ludowy žałowański źeń
pětk, 13.11.
Serbski magacin k połdnju:
– Źiśecy póstrow:
Budychojc familija
– Aktualne rozgrono:
Faraŕka Köhlerowa a jeje
wobradowanje za wótpokazanje wójnskeje słužby
– Pokazki a wjedro
– Serjia Naša serbska rěc
– Póglědnjomy na njeźelu
– Muzika tyźenja:
Ludowy žałowański źeń
njeźelu, 15.11.
Program za cełu familiju:
– Źiśecy póstrow k temje
nazyma/zyma
– Powěsći
– Pśinosk ku pjacenju
serbskeje speciality
– Tematiske wusćełanje:
Źeń starych starjejšych
– Bóže słowo Cyrila Pjecha
– Gratulěrujomy k burstakoju
– Muzika tyźenja:
Ludowy žałowański źeń
pónjeźele, 16.11.
Serbski magacin k połdnju:
– Źiśecy póstrow:
Lutki na woglěźe
– Pśinosk „Na kjarchobje
za źeń zamrětych“
– Powěsći
– Aktualny telefonat
– Muzika tyźenja:
Swajźby a zakopowanja
wałtoru, 17.11.
Serbski kulturny magacin:
– Literarny rožk:
Taka jo nowa serbska Pratyja
– Tematiske wusćełanje –
Drogostka z rozgłosowego archiwa
– Muzika tyźenja:
Swajźby a zakopowanja
srjodu, 18.11.
Serbski magacin k połdnju:
– Pśinosk k pśestajenjeju
„Za Mariju“ w Chóśebuzu
– Powěsći
– Aktualny telefonat:
Póglědnjomy do
Nowego Casnika
– Muzika tyźenja:
Swajźby a zakopowanja
Změny w programje su móžne!
(UKW 93,4 MHz a 100,4 MHz)
telefon a whats app: 0151 1180 88 65
internet: www.rbb-online/sorben
wót pónjeźelego do pětka wót zeger 12:00 do 13:00,
wóspjetowanje: k wjacoru zeger 19:00;
njeźelu wót zeger 12:30 do 14:00
