Serbskemu ludowemu ansambloju jo to wažne, teke te ideje, žycenja a póstarki publikuma do swójogo źěła zapśěgnuś. Za to su wuźěłali krotki napšašnik, kenž su zachopjeńk měrca na domowinske kupki, młoźinski aktiw, rejowańske kupki, chory a serbske institucije pósłali. Spócetny termin za slědkpósłanje na Informaciski centrum Dolna Łužyca jo był 31. měrc. Ale dla aktualneje situacije pódlejšuju frist slědkpósłanja až na stwórtk, 30. apryla. Něchten, kenž njejo napšašnik dostał, ale jen wupołniś co, móžo jen wót informaciskego centruma dostaś.
Serbski ludowy ansambel wutšobnje wó to pšosy, aby napšašniki se wupołnili, aby žycenja a póstarki se pósrědnili. Napšašnik móžo se z mejlu abo pśez post slědk pósłaś. Su pósłankam južo frankěrowane a adresěrowane wobalki pśipołožyli, aby za slědkpósłanje njenastali kosty za wótpósłarja. Za pódpěru se wuźěkujo SLA južo prědkuwen.
Za wšykne napšašowanja a póstarki stoj teke Informaciski centrum Dolna Łužyca w Serbskem Domje w Chóśebuzu k dispoziciji.
Kontakt:
Droga Augusta Bebela 82
03046 Chóśebuz
tel.: 0355/48576477
