Z Dešna/Dissen. Něga raz jo za góle ten cas w źiśowni mimo, prědny wjeliki wótrězk žywjenja se dokóńcujo. Pózdźej se kuždy pitśku hynac dopomnjejo na ten cas ten, jaden pózdźej hyšći wjele wě wót togo casa, ten drugi jano mało. Pśi spominanju pomagaju portfolije, kreslanki a basleńki, jolic až jaden je wochowajo. Take dopomnjeśe na ten cas w źiśowni su gano dostali gólce a maruški ze źiśownje „Wichtelland“ w Dešnje. Źiśi wjelikeje kupki, jim se groni „Wichtel“, ga skóro spušćiju tu źiśownju. Gaž kśě pózdźej w žywjenju glědaś slědk na tu chylu, ga maju za to něco rědnego, ga cd kótaruž su sami nagrawali. Wslědnych tyźenjach su wóni pśigótowali a wuknuli znate a woblubowane źiśece spiwy. K nim słušaju „Es war eine Mutter, die hatte vier Kinder“, „Stups, der kleine Osterhase“, „Trarira, der Sommer der ist da“, „Ihr Blätter, wollt ihr tanzen“, „Es schneit, es schneit“ a „Nikolaus, Nikolaus“. Z takimi spiwami su pśejšli cełe lěto. Teke spiw za swěźeń słodkich tutawow jo pódla. Serbska rěc jo w prědnej štucce „Sykorinki“ namakaś. Ralf Wappler z Gór jo instrumentalne a muzikalne pśewóźowanje pśewzeł.