Z Bórkow/Burg. Lětosa pódpěrujotej pód motom „Wjelerakosć družynow wobchowaś – žywjeńske rumy za insekty wugótowaś“ wobydlaŕska załožba Kulturna krajina Błota a Biosferowy rezerwat Błota małe projekty k šćitoju biotopow a družynow. Zadermo wótedajotej twaŕske sajźby za měwańske kašćiki, semjenja za kwiśece wobceŕki, kricki abo sadowe bomy. We flyerje, kenž jo dostaś we woglědaŕskem centrumje Biosferowego rezerwata, w Bórkojskem amtskem zastojnstwje abo na webboce Biosferowego rezerwata Błota, informěruju wó móžnych napšawach na ten part. Projektowe ideje mógu se zapódaś pśi Biosferowem rezerwaśe Błota, stajiju spomnjety material k dispoziciji. Pón deje wobźělece zajmce až do 25. oktobra wó wuwiśu swójich projektow k šćitoju biotopow a družynow rozpšawiś, z wobrazami a krotkimi tekstami. Wuslědki se pśedstajiju na webboce biosferowego rezerwata. Z pšašanjami móžośo se wobrośiś na Karolu Scheinpflugowu pód numerom 0354 72 656 321 abo z mejlku na .