Za tym až w Serbskem muzeju jo wósebna wustajeńca „WOBRAZE KRAJINY“ 11. julija na kóńc šła, slědujo tam pětk, 30. julija, nowa wósebna wustajeńca. Ta buźo z fotografijami łužyskego fotografa Thomasa Kläbera pód titelom „Wejsne wobraze – hynacej žywe byś/Dorfbilder – anders leben“. Wustajeńca buźo wiźeś až do njeźele, 19. septembra. Na dnju wótwórjenja pšose zeger 19:00 na wernisažu do Serbskego muzeja. Powědaś buźo tam Carmen Schliebowa, kustodowka zběrki fotografijow BLMK w Chóśebuzu. K wustajeńcy su wujšli knigły Thomas Kläber „Land.Leben – Na jsy“ (1968–2018), wudane wót Jürgena Maćija pla LND, Budyšyn 2020.