Z Bórkow/Burg. Tudy maju pisańske wuběźowanje. Tomu se groni „Kinder schreiben für Kinder“. Źiśi wót wósym do 14 lět mógu se wobźěliś.

Kaka tema dej byś?

To jo wšojadno. Kuždy a kužda to sam rozsuźijo.

Kak dłujko dej to tšojenje byś?

Móžośo pisaś z licakom. Toś dej tšojenje byś jaden A4-bok dłujki. Móžośo pisaś pórědnje z ruku. Toś dej tšojenje maksimalnje dwa A4-boka dłujko byś.

Dejm hyšći něco na cedlik pisaś?

Kuždy dej napisaś mě, adresu, telefoniski numer a swójo starstwo.

Dejśo byś wobjadne, až to tšojenje buźo ewentuelnje publicěrowany.

Smějo něcht pomagaś?

Gaž awtor jo wjelgin młody, smějo dorosćony pitśku pomagaś. Ale to wopśimjeśe a wuraz dej byś a wóstaś, ako to góle jo to napisało. 

Chto jo zagronity za wopśimjeśe?

Kuždy jo sam zagronity za wopśimjeśe. A kuždy dej sam glědaś na stwóriśelske pšawo (Urheberrecht). Njedejśo něźi wótpisaś!

W kakej rěcy dej tšojenje byś?

To tšojenje móžo byś nimske abo serbske.

Źo dejm ja wótedaś to tšojenje?