Dnja 19. decembra 2020, zeger 13:30 do 14:00

Glědajśo: wusćełanje móžośo wiźeś jano w rbb-kanalu Bramborska!

Christian Matthée pśedstajijo w decemberskem magacinje nowy serbsko-nimski šulski kompleks w Slěpem. W aprylu jo se wócynił a pón ned był konfrontěrowany z korona-krizu. Wjeliki cel šulskego kolegiuma jo, až źowća a gólcy powědaju serbski we wšednem dnju, serbšćina se tam wucy pó koncepśe 2plus. Łužyca-team se rozglědujo w šulskem kompleksu „dr. Marja Grolmusec“.

W jadnom pśinosku magacina źo wó pśiśěgowańsku móc jsy Slěpe, tam ga co se pśisedliś w pśiducem casu 40 familijow z Miłoraza –wochozańskeje jamy dla.

Mimo togo pśepytujomy serbske spěchowańske praktiki kraja, pśedstajijomy nowu šefredaktorku dolnoserbskego tyźenika „Nowy Casnik“ wót januara a žylojska Witaj-źiśownja „Mato Rizo“ buźi Nikolausa.