Ze Złego Komorowa/Senftenberg. Njeźelu, 15. nowembra, jo Siegurd Heinze, landrot wokrejsa Górne Błota/Łužyca, połožył wěnc pśi pomniku za wopory Prědneje swětoweje wójny. Pomnik jo pśi Serbskej cerkwi togo města. To spominanje se stanjo kužde lěto we tom wokrejsu na ludowem žałowańskem dnju. Heinza jo był pódla Bernda Leubnera wót Ludowego zwězka za wobstaranje wójnskich rowow (Kriegsgraberfürsorge). Tomu zwězkoju jo se Heinze źěkował za jogo źěło. Wušej togo su pśišli złykomorojski šołta Andreas Fredrich, zastupniki wokrejsnego sejma, katolski faraŕ Matthias Grzelka a wušy leutnant Karsten Rost. Lětosa su se wósebnje myslili na kóńc Drugeje swětoweje wójny pśed 75 lětami, a na padnjonych wójakow tuchylnego Nimskego wójska.

Wokrejs Górne Błota-Łužyca / S. K.