Z Bórkow/Burg. Rěd „Burger Kunstgenuss“ startujo sobotu, 27. junija, z tradicionelneju irskeju nocu we wjerbowem groźe. Graś buźo zeger 20:00 duo „Ludic Loops“ – Dan Plews (spiwanje, gitara) z Northmaptona (UK) a Bernd Lüdtke (fidle, „bodhran“, spiwanje) z Barlinja. Zastup płaśi w pśedpśedani 9 resp. 10 euro, na wjacornej kasy 11 resp. 12 euro. Kórty dostanjośo w bórkojskej turistiskej informaciji, abo móžośo zazwóniś na 035603/750 160.