Z Dešna/Dissen. W Domowniskem muzeju Dešno, w jich wobłuku pód gołym njebjom „Stary lud“ a teke na Dwórje sprjewinego ługa (Spreeauenhof) se startujo sezona. Oficielne wótwórjenje njesměju zarědowaś dla tuchylnych póstajenjow. Ale na małke wótwórjenje sezona gromaźe z wótwórjenim noweje wustajeńce wóni pšose, a to njeźelu, 10. maja wót zeger 13:00 do 16:00.

„Zwěrjeta a rostliny sprjewinego ługa“

Tak se groni nowej wósebnej wustajeńcy w Domowniskem muzeju Dešnje, ako buźo wót 10. maja do 29. junija wiźeś. Prězentěruju na pastelowych wobrazach, akwarelach, pjerowych kreslankach a raděrungach wjelerakosć zwěrjetow a rostlinow wokoło Dešna a pśedewšym sprjewinego ługa.

Wšake wuměłce a wuměłcowki su twóŕby k tej ekspoziciji pśinosowali. Mjazy drugim: Gabriele Gittelowa z Města, Hans Jürgen Drabow ze Žylowa, Hans Jürgen Müller z Picnja, Siegfried Engelmann z Wětošowa a Werner Brummack z Města.

Buźo zajmne za woglědarja, kak wóni se ze wšakimi stilami a technikami tej danej temje pśiwobrośiju.

Zaznějo srjejźowěka muzika na dudach