Z wokrejsa Sprjewja-Nysa/Landkreis Spree-Neiße. We lěśe 2015 jo se ze źěłowego krejza „lebendige Dörfer“ pód kšywom towaristwa Bramborska 21 z.t. załožyło Gibanje jsow Bramborska – Seś žywych jsow z.t. / Dorfbewegung Brandenburg – Netzwerk lebendige Dörfer e.V. z teju wiziju, socialnu žywosć jsow pozitiwnje wobwliwowaś, wuwiśa doprědka spóraś a jsam politiski głos daś. Na ten part iniciěruju wuměnu nazgónjenjow mjazy na jsach aktiwnymi luźimi, komunalneju politiku a zastojanim. Pśedewšym se Gibanje jsow Bramborska za to zasajźujo, aby jsy měli wurazny politiski głos. Na ten głos dej se źiwaś pśi rozsuźenjach teke na płoninje kraja. Togodla dej se w nalěśu 2021 prědny „parlament jsow“ w Bramborskej wótměś, ako jo teke w aktualnem koaliciskem dogronje južo zakokulone.

K pśigótowanju togo prědnego „parlamenta jsow“ w Bramborskej organizěrujotej Lokalna akciska kupka Sprjewja-Nysa-kraj z.t. a Gibanje jsow Bramborska prědne „regionalne zmakanje jsow Sprjewja-Nysa-kraj“ („Regionales Dörfertreffen Spree-Neiße-Land“).