Teke za lěto 2021 jo był ducy fotograf Wolfgang Wittchen, aby znowego zapópadnuł gódne motiwy za rowno w Ludowem nakładnistwje Domowina wujźony sćěnowy kalendaŕ „Moja Łužica – Meine Lausitz – Mója Łužyca“.

Južo na titelowej stronje strowi wužywarja nowego kalendarja jogo domownja – putnikowańska cerkwja w Róžanśe (Rosenthal).

Wolfgang Wittchen jo ze swójeju kameru znowego idyliske krajiny, turistiske wjeraški a tradicionalne swěźenje we Łužycy fotografěrował. Lěc pśi zapusće we Wjerbnje (Werben), pśi smalenju na jet-skijach pó Lejnjańskem jazorje (Geierswalder See) abo pśi łojenju rybow w Rakecach (Königswartha) – pśecej jo pśiglědowaŕ mjazy nimi.

Nazgónity fotograf pśemóžo architektoniske drogostki we wobrazu zapópadnuś, lěc jo to restawrěrowany grod w Stróži (Wartha), cerkwja w Gołkojcach (Kolkwitz) z w lěśe 1848 natwarjonym zwónowym tormom, Mužakojski grod w nazymskej sukni abo gódownje wupyšnjona cerkwja w Hodźiju (Göda).

Ze swójim pśeglědnym wugótowanim dajo kalendaŕ teke dosć městna za wósobinske zapiski a njaso pitśku domownje do domu.

ISBN 978-3-7420-2602-6