We Witaj-źiśowni „Mato Rizo“ su źiśi tśeśeje kupki (to su „Błudniki“) swěśili ptaškowu swajźbu. Pla nich jo to był pšawy źiwadłowy kus. Starjejše a pedagogowki žylojskego horta su se to woglědali. We srjejźi kusa su zawěsće stojali ptaški. Wóne ptaški su w góli, na góńtwje, a pśi tej góźbje se wopóznawatej njewjesta a nawóžeń. Ako w pśedłoze „Popjelnicka“ wót Grimmojc bratšowu, se zgubijotej tej zalubowanej zwěrjeśi zasej. Pjeršćeń pak wjeźo jadnogo zasej k drugemu, tak se zasej namakajotej. Dokulaž se tak lubo matej, buźo na flaku swajźba. Tu swajźbu su pśedstajili źiśi, a to se wě, su spiwali znaty spiw wót ptaškoweje swajźby. Njewjesće su serbsku drastwu woblakli, nawóžeń jo se teke pó serbskem wufajnował. Teke pódružce a póbratš su byli w tradicionelnych drastwach Póbratš jo wobstarał swój nadawk a pšosy gósći na swěźeń. Gósći, to su zwěrjeta a dalšne wobydlarje góle ako błudniki. Nawóžeń jo był Pius Waurick, njewjesta Eckertojc Valerie a ako póbratš jo wustupił Nils Schneider. Ten kus su se źiśi wumyslili zgromadnje z wótkubłaŕkoma Milu Zachariasoweju a Dianu Buchanoweju.