Lube źiśi,

šula jo se zasej zachopiła. Młogim se njespódoba w šuli. Ale mys-liśo se: wšykne njamógu do šule chójźiś. W drugich krajach muse źiśi źěłaś. Nejmłodše mjazy nimi su pěś lět. Teke w Nimskej źěłaju młodostne. To jo ale kšuśe wobgranicowane. Wóni ga deje hyšći chylu měś za šulu a aktiwity w lichem casu.

We wjele krajach su luźe chude. Familije su pokazane na myto źiśi. Gólce a źowća muse źěłaś, na pśikład na kakawowych plantažach. Někotare producenty šokolady to njekśě. Rozmjej: Kupce w bogatych krajach (wótergi) glědaju, kak šokolada se producěrujo. Wóni glědaju, lěc na šokolaźe jo zygel ako groni, až wobstojnosći gótowanja su byli fair. Wóni kśě wěźeś, lěc źiśi su źěłali na kakawowych plantažach. (Z kakawa se gótujo šokolada). Taki „fair-trade-zygel“ dej wobwěsćiś, až źěłaśerje dostanu dosegajuce myto a až njejsu źiśi mjazy nimi. Źož taki zygel njejo, jo to śěžko pósuźowaś.