Trjebin/Trebendorf. Trjebinska gmejna móžo se wjaseliś jadnej botaniskej drogotce. How rosćo we wjelikej licbje awstriska stroželina*, rědka a w Nimskej wót wótemrěśa wobgrozona rostlina. Wóna jo indikator za biologiski bogate a wjeleserake łuki a pastwy. To jo gmejnskej raźe k wěsći dał Christian Hoffmann wót běrowa za ekologiske ekspertize z Běłeje wódy na wobradowanju stwórtk pśedslědny tyźeń. Wón jo za sakski wob­swě­towy amt slěźił, źo ta rostlina jo w Sakskej rozšyrjona.