Chóśebuz/Cottbus

Rucne źěło na serbski

Zmakajomy se w Chóśebuzu kuždy mjasec wót měrca 2023 a mamy wšake rucne zaběry. Pśi tom rozgranjamy se serbski, cesto teke spiwamy, pśi tom wuknjomy nowe słowa a wobroty. Chtož rad sam ze swójima rukoma něco gótujo abo chtož by kśěł z tym zachopiś: Wšykne su wutšobnje pśepšosone stwórtk, 27. awgusta, zeger 17:00, do klubownje Serbskego doma.

Dešno/Dissen

Temowy kóńc tyźenja we wobłuku „Stary lud“

Kak jo pópšawem nastała drastwa dłujko pśed tym, až jo dało šyjarnu mašinu? To stoj we srjejźišću pśiducego temowego kóńca tyźenja, kenž se wugótujo we muzeju pód gołym njebjom „Stary lud“. Pód motom „srjejźowěkowa drastwa sam zgótowana“ dostanu woglědarje sobotu, 29. awgusta (wót zeger 11:00 do zeger 15:00), a njeźelu, 30. awgusta (wót zeger 12:00 do 16:00), praktiske doglědy do tekstilnego rucnikaŕstwa srjejźowěka. Tak móžośo na pśikład tradicionelne štapjenja nawuknuś, kótarež su se w srjejźowěku wužywali, móžośo bortu tkaś abo wałmu pó pśirodnej wašni wubarwiś.

Bórkowy/Burg