Lětosa se južo 73. raz pśewjeźo to wuběźowanje wó nejrědnjejše jatšowne jajo za źiśi a młoźinu (až do 24 lět). Wótedaś mógu se kolekcije z dwěma wudutyma kokošecyma jajoma (swójske kreacije, familijowe a regionalne tradicije). Wobźělenje z wóterymi technikami jo móžne.

Jury preměrujo znate serbske techniki, z tradicionelnymi mustrami a tradicionelnymi gratami zgótowane jaka – wóskowane/jadnobarwne a wěcejbarwne, bosěrowane/jadnobarwne a wěcejbarwne, škrabane a wužrawane.

Dobyśarje dostanu wopismo a pjenjezne myto. Wšykne kolekcije se zasej wrośiju, wuwześe jo Młoźińske spěchowańske myto, kótarež se z kolekcijami dorosćonych wustaja. Kolekcije mógu se až do pónjeźelego, 13. apryla, w regionalnych běrowach Domowiny wótedaś. Pódaś maju wobźělniki swójo mě, adresu, starstwo a wužywanu techniku. Móžośo swóje kolekcije teke pśez post na slědujucu adresu pósłaś:

Spěchowanski kruh za serbsku ludowu kulturu z.t., hesło: jutrowne jejka, Póstowe naměsto 2/ Postplatz 2, 02625 Budyšin/Bautzen.

Glědajśo teke na dalšne informacije: www.sorbische-volkskultur.de.