Njeźelu, 28. septembra, zeger 17:00 pšosy literarny salon „Sowohl als auch“ na cytanje z titelom „Idyla ze snju. Źiśetstwo w Błotach wokoło1900“. Cytaś buźo wudawaŕ knigłow Andreas Peters wót „Niederlausitzer Verlag“. Pó cytanju buźo rozgrono. Was teke docakajo knigłowe blido z knigłami wó stawiznach Chóśebuza a wokoliny. Zarědowanje buźo w „Eck 51“ na Dwórnišćowej droze 51.

Pónjeźele, 29. septembra, pšosy „Rejowański dom Łužyca“ wutšobnje do Serbskego muzeja. Chtož co, móžo zeger 18:30 se wobźěliś na wjeźenju pśez muzej. Pótom buźo, wót wokoło zeger 19:00, reja na dwórje muzeja.

A glědajśo: Zwucona rumnosć „Rejowańskego doma Łužyca“, ten „mittendrin“, jo až do 27. oktobra wobsajźona. Městnosć za te reje ma se hyšći namakaś. Gaž Gregor Kliem změjo nowosći, buźo pisaś. Ale wót 3. nowembra to buźo zasej normalnje w „mittendrin“.