Serbski muzej pšosy w kooperaciji ze Šulu za dolnoserbsku rěc a kulturu na Serbske blido k temje „Za kulisami filmowanja filma ‚Pytaś a Namakaś‘“, a to srjodu, 24. septembra, zeger 18:00. Młodej filmarja Mira Dubianojc a Luka Golinski dajotej póglěd do nastaśa filma a wótegronijotej na pšašanja: Kak jo se namakała ideja? Kak jo był proces filmowanja serbskego low-budget filma? A kak jo reagěrował serbski swět na prědne serbske coming out-tšojeńko?
„Njewěsćo, źo se skóńcyjo mója skobodnosć“Stwórtk, 25. septembra, zeger 17:00 dožywijośo w Serbskem domje cytanje a pśednosk wó europskich žeńskich, kenž su se pśeśiwo fašizmoju a wójnje stajili. Za pšawa žeńskich se angažěrujuca nimsko-francojska žurnalistka dr. Florence Hervé pśedstajijo drugi zwězk swójeje serije wó žeńskich. Zarědowanje zgromadnje organizěrujotej Rosa-Luxemburg-załožba Bramborska z.t. a Domowina. Zastup jo dermotny.
