Chóśebuske lěśojske kupanišćo jo se na Droze pśi rěce (Stromstraße) w juliju lěta 1925 ako jadno tych nejmodernjejšych kupanišćow Nimskeje wótwóriło. Historiske domowniske towaristwo Chóśebuz z.t. pšosy gromaźe z „Kupanišćom pśi rěcy“ z.t. wałtoru, 17. junija, zeger 17:00 na historiske městno „Strombad“ (Droga pśi rěce). Na was cakaju pśednoski k stawiznam městna, wjeźenja pó załožkach a žywa wuměna nazgónjenjow. Jaden zaměr jo, spomnjeśa na to kupanišćo wóžywiś. Gaž maśo historiske kuse, kenž wó tegdejšem kupanišću znanje (fota, kupańske woblacenje, plěwańske wopisma), smějośo je ku tej góźbje raźi sobu pśinjasć.