Z Baršća/Forst. Pó „Ein Feuerwerk für die Kleinstadt“ z Grodka, planujo Lusatia Film něnto filmowy projekt w Baršću. „Wuslědk dej byś film, kenž Baršćanarjam se spódoba, ale kenž teke nadregionalnje funkcioněrujo“, jo gronił zagronity filmaŕ Erik Schiesko pětk zajtša pśi casnikaŕskem snědanju we „Villa Digitalkultur“ w Baršcu (villa-digitalkultur.de). Wón jo kupce wobźělnikow rozkładł, na kaki part kśě zawěsćiś, až se we tom filmje „póglědnjenje wótnutśika“ etablěrujo: Ga z tym, až Lusatia Film wuwija swóje scenariske knigły z wobydlaŕkami a wobydlarjami Baršća gromaźe – pśez styri workshopy 29. měrca, 5. apryla, 16. apryla a 30. apryla. Pśed tym pśewjedu srjodu, 26. měrca, zeger 17:00, we tej wili informaciske zarědowanje k tomu.