zajtšo Ze Strjažowa/Striesow. Strjažojska młoźina swěśi swój zapust pitśku hynac, ako jo to zwucone we wětšynje jsow w Dolnej Łužycy. To se zachopijo južo pśi zmakanju pórow, pśeto to se stanjo w Strjažowje pó rumje źělone (räumlich getrennt). Młode žeńske se zmakaju we wutopjonem zalu kjarcmy „Dorfkrug“, mógu sebje a drastwu hyšći raz wugłaźiś a na to cakaś, až te młode muske pśidu. Te se zgromaźiju pśi pitśku pśeśěgowatem busowem domcyku wesrjejź jsy, blisko zwónice, kótaraž pregujo wobraz teje jsy. Wóni docakaju pśichad kapały, aby pón skóńcnje maršěrowali do kjarcmy „Dorfkrug“. Z hochoskeju kapału „Drachenkombo“ prědku, se póra ta dla zymy pitśku tśěskotata kupka muskich do śopłego zala, aby se naměsće z damami do prědneje rejki dali.