Z Dešna/Dissen. Pónjeźele jo wuběrk za wu-zwólowanje 7. Rady za nastupnosći Serbow pśi krajnem sejmje Bramborskeje w swójom běrowje na Tylcyc dwórje w Dešnje gromadu pśišeł, aby ze swójimi pomocnikami pilnje, až do 15. decembra zeger 12:00, wótedane głose za źaseś kandidatki a kandidatow wulicył. Aby jim lažčej padnuło wušej tysac wobalkow z wólbnymi lisćikami wótwóriś, pruwowaś a licyś, su tśi pśedsedaŕstwa za listowe wuzwólowanje (Briefwahlvorstand) stwórili. Nagromadu źaseś luźi jo licyło, ga wěcej razow, aby skóńcnje licby byli pšawe. Na kóńcu su wulicyli z nagromadu 1.060 wótedanych płaśiwych lisćinow a 4.021 wótedanych głosow toś tych pěś kandidatow, kótarež jo dostało nejwětšu licbu głosow: Marcus Końcaŕ, Delia Münchowa, Dieter Freihoff, Měto Nowak a Michael Apel.