Z Města/Cottbus. Prědna dolnoserbska Schadowanka jo se w lěśe 1984 wótměła. Až do togo su absolwenty Serbskeje rozšyrjoneje wušeje šule a studenty woglědali na Schadźowanku w Budyšynje. Jo se źěkowaś angažowanym Dolnoserbam, až w zachadnych 40 lětach jo se tradicionelne zmakanje absolwentow wótměło w gósćeńcach chóśebuskeje wokoliny a pózdźej w Dolnoserbskem gymnaziumje. Južo w zachadnem lěśe jo wopytała organizatorka Załožba za serbski lud nowe drogi hyś a jo pśepšosyła na 39. Schadowanku do Pisanego dwórnišća. Ku góźbje 40. jubileja su se něco wósebnego wumyslili: W Bramborskem krajnem muzeju za moderne wuměłstwo (BLMK) – něgajšnej dizelowej milinaŕni – su zestajili program w znamjenju wuměłstwa, a to zwězane z tam rownocasnje pśedstajoneju wustajeńcu „Njewěste dotyknjenje“ serbskeje wuměłcowki Hella Stoleccyc.