Ze Zaspow/Saspow. Pó jadnasćo lětach pśestawki jo młoźina w Chóśebuzu-Zaspach sobotu, 7. septembra, zasej kokota łapała. Ze šesć rejtarjami a wósym źowćami w dolnoserbskej swěźeńskej drastwje su se pśisamem dwě a poł góźiny dłujko wuběźowali wó cesć prědnego, drugego a tśeśego krala. Pśi nejrědnjejšem wjedrje buchu muzikaliski pśewóźowane wót dujarjow kupki „Lutzketaler“. Kónje su měli z rejtaŕskego dwóra Wehlan z Rězakow (Mühlendorf) pla Běłeje Góry.