„Wóna jo była sebjewědobna a kuražěrowana žeńska.“ Tak jo dr. Pětš Šurman z wjelikim pócesćenim wó Marjanje Domaškojc powědał. 
Z Města/Cottbus. Pód nadpismom „Marjana Domaškojc– wěcej ako drastwowa nosaŕka“ jo referěrował stawiznaŕ a sobuźěłaśeŕ Serbskego instituta dr. Pětš Šurman slědny tyźeń srjodu w Serbskem muzeju wó žywjenju a statkowanju z Cazowa póchadajuceje serbskeje źěłaśeŕki a spisowaśelki (*28. februara 1872, † 11. awgusta 1946). Něźi 15 zajmcow jo Martina Nowakojc, wjednica muzeja, ten wjacor póstrowiła.
wałtora, 06.05.2025
