Z Chóśebuza/Cottbus. Za wšykne, kenž se ze serbskim zwězane cuju, jo Schadowanka toś to tradicionelne zmakanje. Lětosa se wótmějo wóna 17. oktobra, zeger 19:00 na „Pisanem dwórnišću“ w Chóśebuzu (Güterzufuhrstr. 8). Za muziku staratej se DJ Tobi a repaŕ Stoj, w modowej pśeglědce pokazuju wšake warianty módrośišća. Kórtki dajo wótněnta w Serbskej kulturnej informaciji LODKA abo online na www.stiftung.sorben.com. Wóni płaśe 11 euro, pónižone 7 euro, zbytne kórtki na wjacornej kasy 14 euro, pónižone 10 euro.