Wót 7. do 11. junija wótmějo se lětosa w Nürnbergu Nimski ewangelski cerkwiny źeń. Mimo swěźenja wěry buźo wón za konfesionelnymi a nabóžnymi granicami ciwilnotowarišnostny forum, kótaryž se pšašanjam casa stajijo. Cerkwiny źeń źo pód gronidłom „Něnto jo cas“ (Markus 1,15):

Jo, pśiwdajom: ja som casowa swinja. Nanejmjenjej tak groni mója žeńska – wótergi. Gaž zasej raz palc pó handyju suwam a mój cas z rozdrosćecymi wideo w socialnych medijach kradu bźez zmysła pśebrojm. Abo gaž njepśijazne źěła wótstarcyjom a za to namakajom wótše dobre zagrona; we tom ga som pšawje dobry. Weto mam cesto zacuśe: „Mam tak mało casa!“. Wjelim ga se tak źo. Chtož na swójo źěłowe žywjenje slědk glěda, ten cujo snaź mócnjej, kak krotki cas našogo žywjenja jo a až nic wšykno w njom pasujo, což by dejało. Cas jo Bóžy dar. Ale wósebnje wupołnjony cas.