Z Chóśebuza/Cottbus. Lětne grono za 2023 jo: „Ty Bog wiźiš mě“. To jo wzete z Prědnych knigłow Mojzasa 16, 13.

Spěchowańske towaristwo za serbsku rěc w cerkwi (STSR) jo dało wugótowaś plakat z tym gronom. Anja Piniekojc jo to wobstarała. Te plakaty su byli na serbskej namšy ku gódam, su lažali pśi wuchoźe. Howacej dostanjośo je pla STRC pód: Spěchowańske towaristwo za serbsku rěc w cerkwi z. t./ Verein zur Förderung der wendischen Sprache in der Kirche e. V.; c/o Kupka „Serbska namša“, Gertraudtenstraße/Droga Gertraudty 1 w D-03046 Cottbus/Chóśebuz. Dalšna móžnosć jo, na to towaristwo mejlku pisaś na Serbska.Wosada(at)posteo.de. Materialije su howacej pśi knigłowem bliźe w Nimskej cerkwi w Měsće namakaś, wóni nic njepłaśe.