Z Chóśebuza/Cottbus. Stwórty raz jo se pó napinajucem korona-casu w Dolnej Łužycy pśewjadło Cytańske wuběźowanje hortowych źiśi, ako wuknu serbsku rěc. Wobźělili su se wšykne styri WITAJ-horty Dolneje Łužyce: hort „Njewjerica“ Žylow, źiśecy a wuknjeński dom LIPA Bórkowy, „Hort móžnosćow“ Wětošow a hort Brjazyna. Wuběźowanje jo zgromadny projekt Rěcnego centruma WITAJ, Serbskego muzeja Chóśebuz a Spěchowańskego towaristwa za Serbski muzej Chóśebuz z.t. Smy Cytańske wuběźowanje prědny raz pśewjadli w nowo saněrowanem Serbskem muzeju a to na dwórje. A smy zwěsćili, až rědny dwór góźi se derje za take zarědowanja.

Ako pśigótowanje na finalne wuběźowanje su se w hortach wótměwali pśed-wuběźowanja. Dobyśaŕki a dobyśarje tych wuběźowanjow su se pón směli na finalu wobźěliś – dogromady jadnasćo źiśi. Teksty su se źiśi sami abo z pomocu swójich wótkubłaŕkow wubrali. Tak smy zasej měli pisanu paletu tekstow: wulicowańka z Płomjenja, bajki, teksty z wucbnicow abo teksty z knigłow. How pśeglědka źiśi a tekstow: