Z Łužyce/Lausitz. Licby tych, kótarež su inficěrowane z korona-virusom, stupaju. Togodla worduju wšake zarědowanja zasej wótpowěźone. To płaśi teke za lampionowe pśeśěgi a swěźeńki dla swětego Mjertyna. Změstymi du źiśi a familije wen na ten pśeśěg, to jo na pśikład było wiźeś w Chmjelowje. W Janšojcach su wótpowěźeli swěźeńk, kenž jo kóńc tyźenja był planowany dla swětego Mjertyna. To jo dejało byś z nabóžninu a pśeśěgom w cerkwi a na farje. „Jano“ źiśi janšojskeje wósady (rozmjej, teke mósćańske a dalšne) su we bjatštanźe na farje měli małke rozwjaselenje srjodu pśed swětym Mjertynom.