Z Lubina/Lübben. Wokrejs Damna Błota jo wótpórał pcołkowu chórosć „Amerikanische Faulbrut“. Mjasece dłujko su intensiwnje wójowali pśeśiwo tej mrětwje. Mjaztym njepłaśe we tom wokrejsu wěcej zastajeńske napšawy. Pla pótrjefjonego pcołkarja su slědkoju kuždy drugi tyźeń pśepytowali pcołkowe ludy. Pcołkarje a weterinarne zastojnstwo se wjasele, až njemuse pcołkam wěcej telik štresa napóraś ze stawnymi pśepytowanjami. Wěstosći dla deje wšykne pcołkarje w nalěśu zasej pśepytowaś swóje ludy. Probowe bjachariki dostanu wót zastojnstwow.