Ze Žylowa/Sielow. Cłonki Europskeje rady (Council of Europe, CoE) su 1995 wuźěłali Ramikowe dogrono aby šćitali narodne mjeńšyny na kontinenśe. Komitej europskich ministarjow kontrolěrujo, až se pśewjeźo to dogrono a wobradowański wuběrk pósuźijo strategije, kótarež deje šćitaś mjeńšyny. Wón wobstoj z njewótwisnych ekspertow z cełeje Europy, kótarež droguju pó jich krajach za wósebny „monitoring“.

W běgu togo pśeglěduju eksperty mjeńšynowe rozpšawy jadnotliwych statow (slědna a pěta rozpšawa nimskego kněžaŕstwa jo wujšła 2019). K tym pśidu oficialne pozicije mjeńšynow, kótarež mógu teke wótedaś „senjowu rozpšawu“ (Schattenbericht). Eksperty zmakaju se teke ze zagronitymi w kněžaŕstwje stata a w organizacijach mjeńšynow.