Z Janšojc/Jänschwalde. Młoźina z Janšojc jo wuswěśiła 21. awgusta kokot. Juž srjodu su gólcy jěli pó dubowy list a źowća su zachopili zwiś girlandu. Wjele luźi ze jsy jo zgromadnje z młoźinu kable składło, rejtowanišćo wótceriło a swěźeńske stany a wrota stajiło. Sobotu połdnjo jo było wšo gótowe. Mjaztym až wšykne wobźělniki su se zestupali na droze pśi kjarchobje, su gósći mógali na swěśenišću město pytaś abo pśi droze cakaś. Zeger dweju su młoźina, kapała a pśisłušniki źiśownje zgromadnje wótmaršěrowali. Na swěśenišću su pokazali ako prědne źiśi z Janšojc, z Drjejc a z Turjeja, kak se łapijo kokot z drjewjanymi kónikami a kak se karuju žaby.