Z Lubina/Lübben. Łoni njejo se wuměłcowka a awtorka Ingrid Groškowa na dnjoma wótwórjonego ateljeja wobźěliła – lětosa jo pak zasej pódla była a jo slědnu sobotu a njeźelu do swójeje galerije na Luboraskej droze 42 w Lubinje pšosyła. Něga jo to była garaža, jeje cłowjek Hans a druge cłonki familije su pomagali, až jo how 1997 mógła rědna galerija se wótwóriś. Wuměłcowka jo swójim gósćam kóńc tyźenja wšake wólejowe a akwarelowe mólby prezentěrowała (nic wšykne su na pśedań), slězynu k nim rozkładła, teke swóje knigły póbitowała. Jeje nejnowše knigły, ako su lětosa wujšli, su „Geschichten der kleinen Tanne“ ze źaseś rymowymi bomowymi tšojeńkami a „Tim und Tom im Museum“ – jeje tśeśe knigły z protagonistoma Tim a Tom. Wobej, se wě, jo sama ilustrěrowała. Wjele nowych knigłowych projektow dej kšac pó kšacu slědowaś, z takim zaběranim wóna wóstanjo młoda. Wšak wóna pśiwdawa, až nejskerjej jo to lětosa slědny raz był, až jo se wobźěliła na dnjoma wótwórjonego ateljeja. „Pśiduce lěto to snaź pśiwzejo mója enkelźowka Laura Schäferowa. Wóna teke mólujo.