Z Dešna/Dissen. Za dešańskeju cerkwju a muzejom pód gołym njebjom jo se wótměła 15. awgusta źěłaŕnja k namakanju, zběranju a walorizaciji ludowego wuměłstwa z DDRskego casa – głownje take ze serbskimi motiwmai. Wóna jo źěl cyklusow źěłaŕnjow w ramiku kšywowego projekta Walorizacija imaterielnego kulturnego derbstwa, spěchowanego wót zagroniteje zwězkowego kněžaŕstwa za kulturu a medije. Něźi 25 zastupnikow wšakich institucijow su se rozgranjali a wuměnjali, kak a co ma se wobchowaś za pśiduce generacije a źo. Mjazy nimi su byli dešański, budyšyński a chóśebuski Serbski muzej, Serbski institut, kulturnik Jörg Ackermann, Lodka, Załožba za serbski lud, Serbski ludowy ansambel (SLA), Institut za socialne źěło z BTU kaž teke wuměłce a ludowe wuměłce a rucnikarje ako Dziumblic Christa a Dieter, mólarja Siegfried Engelmann a Klaus Bramburger, Bernd Pittkunings, Astrid Šramowa a druge.