Z Bórkow/Burg. Cłonki pśedsedaŕstwa Zjadnośeństwa serbskich rybakarjow w Bórkowach a wokolinje kaž teke pśedsedarje cłonkojskich kupkow su se zmakali slědny stwórtk pó wósymmjasecnej pawzy. Wóni su młoge wobzamknuli, což dej jich do dobrego pśichoda wjasć. W pśiducem casu deje wuźeńske kórtki teke online k dostaśu byś. W casu pandemiji jo to za wuźarjow kradu śěžko było, take wobwěsćenja dostaś, pśeto turistowa informacija jo była zamknjona. Aby takim situacijam zadorało, buźo se wuźeńska kórtka tek ze seśi śěgnuś daś. Póbitowaŕ wótedajo kosty na towaristwo. Błośańske rybakarje su se rozsuźili za póbitowarja, kenž dajo kupce tek informacije wó tšochach wułojśa. Pódla noweg póbitowanje deje teke w bórkojskem Domje gósća, gaž jo wótwórjony, wuźeńske kórtki k dostaśu byś. „Młoźina gótujo wšo online. My se nastajamy z tym rozsudom na pśichod“, jo gronił Siegmund Lehmann, prědny pśedsedaŕ towaristwa.