Z Turjeja/Tauer. Nejlěpše słyńcne wjedro su měli sobotu w Turjeju, ako su swěśili łapanje kokota. Zeger dweju su wumaršěrowali z łuki na pódwjacornem boku jsy, ze žnjownym wózom (su měli kutšu) doprědka, se wě teke z kapału – to jo był „Lausitz Blech“. Su śěgnuli pó jsy, pśi domje wognjoweje wobory su wótbocyli nalěwo, se na sportnišćo pórali. Tam jo Domowinska kupka póbitowała tykańce, a hyšći wěcej su woglědarje, ako su pśišli we wjelikej licbje, tam k mócowanju dostali.