Z Picnja/Peitz. W lětosnem septembrje zarěduju mjaztym k 17. razoju Nocy muzejow we Łužyskej muzejowej krajinje. To jo nejwětša kuždolětna akcija Źěłoweje kupki Łužyska muzejowa krajina. Normalnje woglědajo 3.000 do 4.000 gósći zarědowanja w ramiku teje akcije. Łoni jo jich było, korona-situacije dla, jano něźi 1.300. Njejo ga móžno było, wšykne zarědowanja kaž planowane pśewjasć, su musali młoge změniś abo wupadnuś daś. Lětosa pak su połne naźeje, až Nocy muzejow se z połnym programom raźiju.