Z Lipska/Leipzig. Zachadny stwórtk su docenty a studenty sorabistiki gromadu pśišli za wósebny kolokwium. Tśi stipendiaty z Českeje – Anna Kopová, Martin Bokal a Roberto Lombino – su w górnoserbskej rěcy pśednosowali wó wšakich serbskich temach.

W studijnem lěśe 2020/2021 su wóni studěrowali na lipšćańskej uniwersiśe z pomocu stipendiuma Załožby za serbski lud. Kolokwium jo był góźba za nich, aby prezentěrowali wuslědki swójich slěźenjow pó semesteroma na Instituśe za sorabistiku. Teke wšake eksterne gósći su digitalnje slědowali zmakanjeju a dogromady jo se wěcej ako 20 luźi wobźěliło.

Anna Kopová jo wujasniła „Póśěgi českego a serbskego narodopisa na zakłaźe wustajeńcow w Praze a Drježdźanach na kóńcu 19. stolěśa“. Za to jo pokazała kopicu historiskich fotografijow, kótarež znanje wó zwězanosći mjazy Serbami a Čechami w casu do Prědneje swětoweje wójny.