Nowy projekt Rěcnego centruma WITAJ „ODN – Onlinepśestajaŕ dolnoserbsko-nimski / Online-übersetzer Deutsch-Niedersorbisch“ jo se 1. apryla 2021 oficielnje zachopił. Zaměr projekta jo, onlinepśestajaŕ „sotra“ (www.witaj-sprachzentrum.de/obersorbisch/sb/2021/03/22/serbski-prelozowanski-program-sotra-je-online/) wó dolnoserbsku rěc rozšyriś a spśistupniś. Zwězanje pśestajarjowu ma w pśichoźe zmóžniś, teksty mjazy dolnoserbšćinu a nimšćinu a teke dolnoserbšćinu a górnoserbšćinu pśestajaś.

Za pśełožowański program se zběraju a wobźěłuju sadowe póriki, ako su se z nimšćiny a górnoserbšćiny do dolnoserbšćiny pśestajili. Na wobźěłanju sadow su teke eksterne fachowe mócy wobźělone. Mimo togo kooperěrujo Rěcny centrum WITAJ z prof. Frazerom wót LMU Mnichow w nastupnosći optiměrowanja funkcionalnosći pśełožowańskich programow.