Z Města/Cottbus. K zakóńceńskim zarědowanjam tśikrajowego wuměłskego projekta „WOBRAZE KRAJINY. BILDER EINER LANDSCHAFT. PODOBE POKRAJINE. WOBRAZY KRAJINY: Pśechod. Übergang. Prehod. Přechod 03“ w Měsće su teke słušali tśi wjeźenja pó wustajeńcy w Serbskem muzeju a w Galeriji Bramborska, pśi kótarychž su teke někotare na projekśe wobźělone wuměłce a wuměłcowki pódla byli. Te wjeźenja su se pśewjadli slědnu sobotu a su dali móžnosć, gromaźe z wuměłcami tu wustajeńcu wuzgónjowaś, pśi comž wuměłce su powědali wó swójich twóŕbach a swójich wšakich pśistupach ku krajinam ako pśirodowe rumy a ako socialne konstrukcije.