Z Njebelčic/Nebelschütz. W juniju jo kupka „Wokolnik“ zestajiła a rozšyriła wideo z jadnotliwymi wugronjenjami, kenž su wordowali powědane na pósejźenju Serbskego sejma. Južo wjele jo se wót togo pisało a powědało. Harmonija njejo wótwiźeś. Něnto jo Serbski sejm w medijowej powěsći kśěł informěrowaś wó swójich wašnjach źěła. Mjazy drugimi pišu, až su swójomu wuběrkoju „Procesowe pśewóźowanje“ do nadawka dali, se z tšojenjami rozestajiś a pśespytowaś, kak by se stojnišćo sejma mógało nejefektiwnjej pósrědniś.