Jeje biografiju mjaztym znajomy. Marja Elikowska Winklerowa, załožarka a wjednica Šule za dolnoserbsku rěc a kulturu, swěśi ten tyźeń swój 65. narodny źeń. Dokradnje su ju južo pśedstajili w serbskem telewizijnem programje „Łužyca“. Až ta Pólacka jo pśišła 1980 do Chóśebuza, źož jo bydliła ze swójim muskim a tśimi źiśimi. Ten muski jo 1993 wumrěł. Južo w DDRskem casu jo źěłała w Dešanku we rěcnej šuli. Ako su tu šulu w casu pśewrota zacynili, jo kněni Elikowska-Winklerowa wójowała wó to, až zasej taka šula buźo. Mjazy drugim wó tom wóna wulicujo.

NC: Nejpjerwjej smy kśěli wěźeś, lěc buźośo ned na wuměńk hyś.

Marja Elikowska-Winklerowa: Ja wótejdu kóńc lěta. Mójo městno buźo se nowe wupisaś, su mě gronili.

Co jo to źěło w rěcnej šuli Wam pśinjasło?