Serbski pěsnjaŕ Bernd Pittkunings wulicujo serbske bajki pó šybałej wašni. Wósebnje publikum dorosćonych jo wón tak pśiwabił. 
Z Dešna/Dissen. Zachadny kóńc tyźenja jo domowniski muzej zarědował prědny słowjański bajkowy festiwal w Dešnje. Južo sobotu dopołdnja jo se pśinamakał rěd luźi pśi kasy a głowna wejsna droga we jsy jo wordowała parkowanišćo za kopicu woglědarjow. Na gruntach muzeja su wóni namakali wšake stacije za młodšych a staršych.
njeźela, 05.05.2024
