Z Města/Cottbus. Wósebna perspektiwa za kulisami wustajeńce „WOBRAZE KRAJINY. Pśechod 03“ jo se zajmcam póbitowało zachadnu srjodu. Wótpołdnja stej Serbski muzej a Šula za serbsku rěc a kulturu zarědowałej wjeźenje pśez wustajeńcu w Galeriji Bramborska na dolnoserbski. Wjacor w domje muzeja jo Iris Brankačkowa pśedstajiła swójo žywjenje a statkowanje ako serbska wuměłcowka.
Jadnab 23 luźi, wjele tych wobźělnikow kompaktnego kursa dolnoserbšćiny, jo slědowało jeje wulicowanjam w górnoserbskej rěcy. Christina Kliemowa jo dolnoserbski moderěrowała to ako Serbske blido myslone rozgrono, kenž jo měło to gronidło „Plusnikecy-Depsk/ Pließkowitz-Döbbrick“.