Bejnje wjelika, ga wokoło 580 kwadratnych kilomejtari wjelika, jo łužyska krajina, kótarejž se groni na serbski Mužakojski wokłon, na nimski Muskauer Faltenbogen a na pólski Łuk Mužakowa. Jo to jaden wót šesć wětšych a wažnych geoparkow w Nimskej, a wón se wupśestrěwa na wobyma bokoma Nyse, na teritoriumje Bramborskeje, Sakskeje a Pólskeje. Wósebnje znatej źěla teje krajiny, kenž jo nastała pśed wokoło 350.000 lětami, stej Pücklerowy park w Mužakowje a park z rododendrami w Kromoli.

Wót lěta 1990 su se dali gromaźe do źěła, aby ten geopark ako šćitanu pśirodnu krajinu załožyli a wutwarili. Wjele pjenjez su za to wudali, a pśi tom su pśecej glědali na to, aby to był zgromadny projekt Nimskeje a Pólskeje. Južo wót łońskego lěta jo to oficialny a pśipóznaty geopark w Nimskej, a wót lěta 2010 ma wón teke w Pólskej taki status. Lěto pózdźej jo UNESCO pśewzeło „kmotšojstwo“ za njen.