Z Budyšyna/Bautzen. Źiśi a młodostne lětnika pěś do wósym, ako maju lušt na muzikaliske dožywjenja w nazymskich prozninach, mógu se do 16. julija pśizjawiś za póbitowanje Serbskego ludowego ansambla. W Budyšynje budu pón te młode wobźělniki a wobźělnice z cełeje Łužyce styri dny muzicěrowaś, ga wót 19. do 23. oktobra, pód rozpokazanim profesionelnych orchestrowych muzikarjow Serbskego ludowego ansambla. Nawuknjośo jano za was skomponěrowany kus a jen prezentěrujośo w skóńcnem koncerśe pśed publikumom. Wobźělnica abo wobźělnik by dejał/a swój instrument pótakem južo derje wobkněžyś a noty cytaś wuměś.
Nocowanje buźo w młodowni Budyšyn a wótpołdnja caka wótměnjaty program. Pśizjawjeński formular tak ako dalšne informacije namakajośo we interneśe pód www.ansambl.de. Městna su wobgranicowane, togodla pórucyju jěsne pśizjawjenje. Cyń pak malsnje, městna su wobgranicowane. Prědnych pěś pśizjawjenjow dostanjo mały darik.