Z Kózlego/Casel. Tradiciske towaristwo Kózle ma to na starosći, až se we tej jsy w drjowkojskej gmejnje kužde lěto pśewjeźo stary serbski nałog jańskego rejtowanja, kenž wšuźi hynźi jo wusnuł. Južo łoni jo korona-pandemija pśewjeźenju togo nałoga zadorała. Lětosa jo to bóžko rowno tak. Tradiciske towaristwo informěrujo na swójom boce (https://www.johannisreiten.de/), až wuwiśe infekciskich licbow njejo žedno wěste planowanje zmóžniło, togodla su jano mógali to wótpowěźeś. óni pak pokazuju na to, až zajmce mógu sebje w Kózlem nanejmjenjej na rědny part informěrowaś wó stawiznach a woplěwanju togo swěźenja na Jana. K prědnemu maju nowu informacisku toflu pśed kózlańskim wěcejzaměrowym twarjenim, pódla wognjoweje wobory. A wěcej hyšći zgónijośo, gaž woglědajośo do jich Tradiciskeje śpě we wěcejzaměrowem twarjenju. Pśizjawśo se za woglěd z mejlku na .